طريقة تحضير تارتلات بالليمون بمول التاج
من الاخت ياسمين
التحضير:
عجينة الصابلي: 75غ زبدة طرية + ربع كاس سكر ناعم + فاني خلطيهم مليح+ 1صفار بيضة + مغرف معمرة مايزينة وخلطي كذلك+ نصف ملعقة صغيرة خمارة + رشة ملح+ الفرينة حتى تتلم تكون عجينة طرية غلفيها ودخليها للثلاجة ترتاح من 10الى 15د.
من جهة اخرى نحضر كريمة الليمون.
كريمة الليمون: نخلط 3بيض + 150غ سكر ناعم + مغرف معمرة مليح مايزينة + 100ملل حليب + عصير ليمونتين ونخلط الكل حتى تتحل المايزينة ضعيها في كسرونة+30غ زبدة وحطيها على نار متوسطة مع التحريك حتى تعقد مبعد عمريها في مول التاج تاع السيليكون مبعد دخليها للمجمد لمدة 1ساعة حتى تشوفيها جمدت .
من جهة اخرى حلى العجينة بسمك 5مم واطبعي دوائر على قيس المول حطيهم في صينية ودخليهم لفرن 160درجة لمدة 10د
مبعد خلي القاطو يبرد ثم ادهنيه بلاجولي واقلبي فوقه كريمة الليمون
مبعد ادهني الجواني بلاجولي وزوقي بالبستاش او لوز او كوكاو
ي الوسط زوقي بالكريم شانتي والكرز المجفف او فريز او قطعة صغيرة من الليمون
0 التعليقات:
إرسال تعليق