بالصور منى هلا تشتبك مع صاحبة مطعم بسبب طاجن بامية
تعرضت الفنانة المصرية منى هلا لموقف أثار غضبها أثناء تناولها إحدى الوجبات بأحد المطاعم.
منى قصت ما حدث لها على جمهورها عبر موقع «أنستجرام»، وقالت: «احترام الأخر، حدود حرية كل واحد بتنتهى عند حرية الأخر ، مع الأسف الكلام ده مش موجود عند معظم العرب، واحدة صاحبتي وديتنى عند مطعم لما كنت في القاهرة ، فأنا قلت للست إنى مباكلش لحمة ولا فراخ و لو الأكل معمول بمرقة يا ريت تقوليلى عشان ماكلوش ، قالتلى ليه ؟ قلتلها أنا نباتية ، قامت بصت لي كأني جاية من الفضاء الخارجي و ضحكت باستهزاء، جه الأكل و بدأت أكل طلعلى حتة لحمة في سناني في البامية فطبعاً قرفت وتفيت الأكل وطلبت منها تجيبلى حاجة غيرها».
الفنانة المثيرة للجدل أضافت: «كانت قليلة الذوق جداً الحقيقة ومصرة إن الأكل مش معمول بلحمة، الخلاصة لو عاوز الناس تحترمك احترم اختلافهم ، متبقاش ديكتاتور، أنا مش هكتب اسم المطعم ولا صاحبته عشان مقطعش رزقها مع إنها كانت قليلة الذوق في التعامل معايا جداً و ما إحترمتش رغبتي عشان تبيع».
0 التعليقات:
إرسال تعليق